Information faite à la requête des consuls et habitants d'Aurillac et du procureur général du roi, contre le curé et les prêtres de l'église Notre-Dame. "Information secrète faite par moy, Jehan Vidal, sergent royal au bailliaige des Montagnes d'Auvergne, commissaire depputé par la souverayne court de Parlement pour le roy nostre sire en son palays à Parys à la réquisition et de la partie de messieurs les consuls, manans et habitans de la ville d'Aurillac, au nom de la communauté et républicque de ladite ville, patrons et fondateurs de l'esglise parrochelle Nostre-Dame d'icelle ville et autrement, en qualité qu'ils procèdent et de monsieur le procureur général du roy joinct avec eulx appelé et de moy pour scripvayn et adjoinct maistre Pierre Cassanhes, notaire royal du Carlladez, et ce sur le contenu des articles à moy baillyés de la partie desdits consulz, manans et habitans et didit procureur du roy et de ladite court, joinct à l'encontre des curé et prebstres se dysans de l'esglise parochielle Nostre-Dame d'Aurillac et ma dite commission et présente information attachés, en laquelle information ont esté ouys et examynés secrètement et à part les tesmoings ci amprès nommés et a esté procédé comme s'ensuyt. " Témoins : Guillaume Dudevès, pelletier d'Aurillac, 45 ans ; Jacques Dutrieuf, pelletier, 50 ans ; Raymond Melhau, boucher, 50 ans ; Jean Cabrespine, hôtelier, 60 ans ; Guillaume Jolha, archer du prévôt des maréchaux du haut et bas pays d'Auvergne, 35 ans ; Pierre Laroque, sr de Bornatel de Leucamp, 65 ans ; Jean Lafon, prêtre de Giou, 65 ans ; Astorg Lagaldie, prêtre de St-Simon, 75 ans ; Jourdain de Pozols, sr de Fabrègues, 45 ans ; Guérin de Conquoux, sr de Monteilli, 45 ans ; Pierre Dumoulin, notaire royal d'Aurillac, 31 ans ; Etienne de Cros, bourgeois, 45 ans ; Cristophe Dumoulin sr de Veyrac, 8 ans ; Jacques de Juou, 45 ans ; François Labaillie, prêtre, 50 ans ; Pierre Pradal, notaire royal, 63 ans ; Jean Condamine, orfèvre, 52 ans ; Jean de Cinqalbres, 80 ans ; Hugues de St-Mamet, licencié ès-lois, 35 ans ; Jean Vaurs, licencié ès-lois, 22 ans ; Bonnet Lapeyre, marchand, 25 ans (10-16 février 1548). Déposition de Guillaume Dudevès. "Guillaume Dudevès, merchant pellatier, habitant de la ville d'Aurihac, eaigé comme a dict de quarante cinq ans ou envyron, tesmoing à nous présenté de la partie des ditz consulz manans et habitans de ladite ville d'Aurilhac, interrougé par nous sur lesdits articles dict et deppouse par son serrement qu'il a presté sur les saincts évangiles entre nos mains que en l'esglise parochelle Nostre-Dame d'Aurilhac ont esté de longtemps fondées plusieurs messes et autres suffraiges tant pour les âmes des trespassés que pour le salut des vivans et lesquelles fondations et services ont esté acoustumées estre déservies et administrées par les prebstres d'icele esglize parochele qui y ont esté cy-devant de trente-cinq ans ou plus. Dict que oultre lesdits prebstres de ladite esglize y ont esté institués d'autres prebstres en plusieurs maysons collégialles de ladite ville qui ont esté ordonnés par les fondateurs d'icelles : scavoir la meyson appellée des Blatz autrement d'Avetz, en laquelle le fondateur d'icelle a ordonnés quatre prebstres avec certains clercz pour fere le service divin ordonné par lesdits fondateurs d'icelles, semblablement autre meyson appellée de la Peyra sive de Greppiac, autrement appellée de Labroa et autre meyson appellée de Taveigha, en chacune desquelles les fondateurs d'icelles ont ordonnés quatre prebstres pour prier Dieu pour les âmes desdits fondateurs et de leurs parans et amys trespassés ; et en oultre y a autre meyson appellée de Danti en laquelle le fondateur d'icelle a ordonnes troys prebstres à semblable charge que dessus lesquels prebstres des sus nommés collieiges èsdites meysons respectivement sont chargés de fere résidance ès dites meysons collégialles respectivement et mectre en despance et revenu, faysans ung poct ung feu et une table ensemble dans lesdictes meysons comme de tout ce dessus est cause notoire en ladite ville d'Aurilhac en entre les habitans d'icele. "Et dict que despuys le temps de sa mémoire, durant lequel il a frequanté bien souvent icelles dictes meysons collégialles et lesdits déserviteurs d'icelles ou leurs prédécesseurs et les a veuz manger et boere en despendant en commung les biens et revenus des dites meysons et fondations ensemble en leurs dites meysons collégialles et jusques ad ce que despuys peu de temps iceulx ditz déserviteurs colliégés ont trouvé moyen de despartir les biens et revenus annuelz qui leur ont esté délayssés par leurs dictz fondateurs et les mectre en prouffict particullièrement les ungs les autres comme il dict avoir veu en fréquentant lesdictes meysons des alcunes peult avoir envyron six ans et les aultres despuys ledict temps et lesquelsdictz prebstres colleigés sont du nombre des prebstres de ladicte esglise parochelle Nostre Dame d'Aurilhac, hormys et excepté lesdits Mes François Viallar et de Monteaulsso et prenent en icelle esglise leurs distributions tant quottidianes que autres comme sont chascun des aulfres prebstres se dysans dudict nombre. "Dict que des dictes meysons collégiales dessus nommées et de chascune d'elles lesdits consulz de ladicte ville d'Orilhac sont les patrons et collateurs ordineres, ausquelz, pour rayson de ce, apartient, quant alcung des dits prebstres collieigés décède, y mectre et ordoner ung aultre prebstre en son lieu, comme il, qui deppouse, a veu fere souvent despuys ledit temps de sa mémoire par lesditz consulz de ladicte ville. Dict davantaige que l'esglise parrochelle Nostre Dame de ladite ville d'Aurillac a esté construite et hédiffiée au milieu de ladite ville et par le moyen des consulz, qui pour lors estoient d'icelle, comme le deppousant a ouy dire et tenyr pour notoire en ladite ville ; et enquores les consulz d'icelle dicte ville y font fere les réparations nécessaires pour l'entreténement dudict édiffice, comme il dict avoir veu bien souvent despuys trente ans derniers passés... Sans que lesdicts prebstres disans estre de la communeté d'icelle esglise ne aultres y ayent donné ne frayé aulcune chouse. "Ausquelz prebstres baptisés aux fons baptismalles de ladite esglize et à celle fin que fussent norriz et entretenuz sellon leur estat et pour servir à Dieu leur ont esté donnés et aulmosnes plusieurs fondations par alcungs des habitans de ladite ville comme par feu Gérauld du Laurens, en son vivant esleu ou hault pays d'Auvergne pour le Roy, que leur dona la somme de douze mille livres pour dire et célébrer chascun jour de l'an toutes les heures canonicques en ladite esglize, et, auparadvant ladicte fondation, leur avoyt doné et légué pour l'obit de ses père et mère la somme de mille livres tournoys. Despuys ont esté faictes d'autres fondations en ladite esglize par plusieurs habitans de ladite ville, pour augmentation du service divin qui se faict en icelle journelement, pour l'entreténement des prebstres d'icelle ville que se montent par chascun an environ cinq ou six cens livres tournois qu'ilz ont laissé ausditz prebstres de ladicte communeté pour servir à Dieu et célébrer chascun jour de l'an en ladicte esglize une messe basse au grand autyel de ladicte esglize et aussi y ont esté faictes plusieurs autres fondations par aultres gens de mestier et artisans de ladite ville despuys ledit temps. "A cause de quoy les dits prebstres en ladite esglize célèbrent ou sont tenus célébrer chacun jour cinquante messes ou plus, ainsi qu'il qui deppouse dict avoir veu comme habitant de ladite ville et dict que durant le temps de sadicte mémoire dont dessus a deppousé, il y a veu le nombre de cent prebstres et plus, et de présent en y a cent et six ou sept comme il y a ouy dire à plusieurs des prebstres de ladite communaulté, lesquels aysèement peuvent vivre habondamment du bien et revenu de ladite esglize, car ung chascun prend pour son entretenement et vivre du revenu de ladite esglize une chascune année de trente à trente-cinq sestiers. Bled seigle, et, en deniers, huict ou neuf livres, en grosse et en distributions particullières tant à cause desdites fondations que autrement ; et pour raison desdites obsèques et aultres services à dévotion que sont de ordinaire pour chascun, une pincte de vin, valant troys chaupines, mesure de ladicte ville et, troys foys la sepmaine, ung pain de couvent et certain argent qui leur est distribué par les bailles de ladite esglize. "Dict qu'il a envyron vingt cinq ans que feu Marguerite de Bonhore, sa femme ala de vye à trespas en ladite ville d'Aurilhac, et pour enterrer le corps et luy faire les honneurs funèbres, il, qui deppouse, fist emprompter les ditz prebstres qui, pour lors, estoient de ladicte esglize comme ung nommé Me Guillaume Las Martres, Loys vicquère. Et Me Guillaume Fabre, baille de ladicte communeté pour avoir une croix d'argent appellée vulgairement la croix de Las Noalz et certaines chappes noeres que ont en ladite esglize pour fere les honneurs des corps des trespassez, tellement que lesdits Las Martres, Vicquère et Fabre, baile, vindrent parler à luy et luy dirent que s'il voloyt que on apportast ladite croix des Nalz, il paieroyt quinze solz, et, pour avoir lesdites chappes, il paieroyt sept livres dix solz car aultrement ne les auroyt poinct ; lequel, qui deppouse, volant décorer la sépulture de sadite feue femme prya lesdits vicquère et baile de luy faire apporter lesdites croix de Las Noalz et chappes noeres, et luy fere honneur, et payer lesdites sommes, au moyen de quoy lesdits prebstres se trouvarent aux honneurs de sadite femme, vestus desdites chappes les alcungs portans ladite croix de las Noalz de ladite esglize. "Dict aussi que ledit Me Jehan Cortès, licencié, prebstre déserviteur de ladite meyson d'Avetz est homme mal vivant tenant vye lubricque lequel a entrettenu par longtemps à ladite meyson collégiale d'Avetz comme faict enquores de présent en conquubine une ribaulde femme de meschante vie nommée Jehanne Dayral du lieu de Polminhac en sa chambre dans ladite meyson d'Avetz, à poct et feu, comme s'ilz feussent maryés, et il qui dépouse les a trouvés couchés en ung lict dans ladicte chambre, et de laquelle Dayral ledit Cortès a engendré et procréé une fille, laquelle présent peult estre de le aige de envyron cinq ans, et de ce est le bruict commung en ladicte ville d'Aurilhac et entreles habitants d'icelle... "Dict aussi que Me Ramond Saletz, prebstre deserviteur parelhement de ladite meyson d'Avetz est diffamé publiquement et notoyrement en ladite ville d'Aurilhac de entrettenyr et avoyr entrettenus femmes de vye lubricque et dissolue et d'icelles avoyr eu plusieurs enfans, et si est ledict Saletz merchant traphicquant et s'entremect ordinerement de fere traphicques et actes de merchant en achaptant et vendant bestialz à laine et vendre ès foeres, marchés publiques avec aultres merchans, et faict plusieurs arrentemens comme de pesches pour en avoyr les poyssons et les revandre alleurs comme il faict ou faict fere par autres ses interpositaires ayans intelligences avec luy, et il en prend le prouffict ou partie d'iceluy, comme est cause notoyre en ladite ville d'Aurilhac. "Dict que Me Françoys Dugour et Hugues du Serieys prebstres et aultres déserviteurs de ladite meyson d'Avetz sont diffamés en ladite ville d'Aurilhac et entre les habitans d'icelle de avoyr entrettenues et entrettenyr femmes de dissolue vye et lubricque, telement que ledict Dugour en a procréés deux ou troys enfans et a de filhes mariées en ladite ville que sont répputés ses filhes naturelles, et a bien qu'il soyt prebstre déserviteur de ladicte meyson d'Avetz où il a sa vye honeste, et parelhement le prouffict et revenu de ladicte esglize Nostre Dame qu'est double prébande ; ce néantmoings converse-il journelement à autres fruitz mécanicques, car il practique, faysant l'estat de procureur et advocat aux courtz que se tiennent en icelle ville tous les jours, comme es courtz du bailliaige du garde des seulx, et des esleuz pour le Roy du sr abbé d'Aurilhac, du sr évesque de Saint-Flour en son sieije d'Arpajon, auquel il a esté procureur d'ouffice pour ledit sr évesque loing espace de temps que aussi en plusieurs aultres courtz subalternes qui s'expédyent et ont acoustumé estre expédiées en ladite ville, et ledit du Serieys a entrettenu long space de temps pour sa chambre et dans ladite meyson collegialle d'Avetz une femme nommée La Boffynaira, laquelle il qui deppouse a veu souventes foys entrer de nuict à ladicte meyson d'Avetz. "Dict pareilhement que lesdits Mes Vincens Sales, Pierre Cabanes, Gui Espinassol et aussi Maistres Jehan Cosques, Françoys Bardes, Estienne Baldel, Bernard Des Bancz, Gérauld Labeu, Pierre Bladanet, Hugues Serieys, et Jehan Labral aussi prebstres de ladite esglise et communaulté vont la nuict parmy ladite ville d'Aurilhac alcunes foys deux ensemble ou troys ou quatre, armes de leurs espées et les alcungs d'iceulx d'alebardes et gevellinees, et il qui deppouse les y a trouvés plusieurs foys et aussi y a d'autres prebstres de ladite esglize et communeté qui aussi entrettiennent des femmes de dissolue vye a leurs meysons particullières comme est ung M° Jehan Faulat, lequel a entrettenue et entretient à poct et feu résidemment en concubine une femme de més-chante vye nommée Margarite de Tordes, femme tenant vye lubricque et aussi ung maistre Amalry Du Laurens, une autre femme dissolue nommée Lanniesora, et de ce que desssus est vray et comme renommée en ladite ville d'Aurilhac et entre les habitans d'icelle. "

Accueil
Rechercher
Recherche globale
Information faite à la requête des consuls et habitants d'Aurillac et du procureur général du roi, contre le curé et les prêtres de l'église Notre-Dame. "Information secrète faite par moy, Jehan Vidal, sergent royal au bailliaige des Montagnes d'Auvergne, commissaire depputé par la souverayne court de Parlement pour le roy nostre sire en son palays à Parys à la réquisition et de la partie de messieurs les consuls, manans et habitans de la ville d'Aurillac, au nom de la communauté et républicque de ladite ville, patrons et fondateurs de l'esglise parrochelle Nostre-Dame d'icelle ville et autrement, en qualité qu'ils procèdent et de monsieur le procureur général du roy joinct avec eulx appelé et de moy pour scripvayn et adjoinct maistre Pierre Cassanhes, notaire royal du Carlladez, et ce sur le contenu des articles à moy baillyés de la partie desdits consulz, manans et habitans et didit procureur du roy et de ladite court, joinct à l'encontre des curé et prebstres se dysans de l'esglise parochielle Nostre-Dame d'Aurillac et ma dite commission et présente information attachés, en laquelle information ont esté ouys et examynés secrètement et à part les tesmoings ci amprès nommés et a esté procédé comme s'ensuyt. " Témoins : Guillaume Dudevès, pelletier d'Aurillac, 45 ans ; Jacques Dutrieuf, pelletier, 50 ans ; Raymond Melhau, boucher, 50 ans ; Jean Cabrespine, hôtelier, 60 ans ; Guillaume Jolha, archer du prévôt des maréchaux du haut et bas pays d'Auvergne, 35 ans ; Pierre Laroque, sr de Bornatel de Leucamp, 65 ans ; Jean Lafon, prêtre de Giou, 65 ans ; Astorg Lagaldie, prêtre de St-Simon, 75 ans ; Jourdain de Pozols, sr de Fabrègues, 45 ans ; Guérin de Conquoux, sr de Monteilli, 45 ans ; Pierre Dumoulin, notaire royal d'Aurillac, 31 ans ; Etienne de Cros, bourgeois, 45 ans ; Cristophe Dumoulin sr de Veyrac, 8 ans ; Jacques de Juou, 45 ans ; François Labaillie, prêtre, 50 ans ; Pierre Pradal, notaire royal, 63 ans ; Jean Condamine, orfèvre, 52 ans ; Jean de Cinqalbres, 80 ans ; Hugues de St-Mamet, licencié ès-lois, 35 ans ; Jean Vaurs, licencié ès-lois, 22 ans ; Bonnet Lapeyre, marchand, 25 ans (10-16 février 1548). Déposition de Guillaume Dudevès. "Guillaume Dudevès, merchant pellatier, habitant de la ville d'Aurihac, eaigé comme a dict de quarante cinq ans ou envyron, tesmoing à nous présenté de la partie des ditz consulz manans et habitans de ladite ville d'Aurilhac, interrougé par nous sur lesdits articles dict et deppouse par son serrement qu'il a presté sur les saincts évangiles entre nos mains que en l'esglise parochelle Nostre-Dame d'Aurilhac ont esté de longtemps fondées plusieurs messes et autres suffraiges tant pour les âmes des trespassés que pour le salut des vivans et lesquelles fondations et services ont esté acoustumées estre déservies et administrées par les prebstres d'icele esglize parochele qui y ont esté cy-devant de trente-cinq ans ou plus. Dict que oultre lesdits prebstres de ladite esglize y ont esté institués d'autres prebstres en plusieurs maysons collégialles de ladite ville qui ont esté ordonnés par les fondateurs d'icelles : scavoir la meyson appellée des Blatz autrement d'Avetz, en laquelle le fondateur d'icelle a ordonnés quatre prebstres avec certains clercz pour fere le service divin ordonné par lesdits fondateurs d'icelles, semblablement autre meyson appellée de la Peyra sive de Greppiac, autrement appellée de Labroa et autre meyson appellée de Taveigha, en chacune desquelles les fondateurs d'icelles ont ordonnés quatre prebstres pour prier Dieu pour les âmes desdits fondateurs et de leurs parans et amys trespassés ; et en oultre y a autre meyson appellée de Danti en laquelle le fondateur d'icelle a ordonnes troys prebstres à semblable charge que dessus lesquels prebstres des sus nommés collieiges èsdites meysons respectivement sont chargés de fere résidance ès dites meysons collégialles respectivement et mectre en despance et revenu, faysans ung poct ung feu et une table ensemble dans lesdictes meysons comme de tout ce dessus est cause notoire en ladite ville d'Aurilhac en entre les habitans d'icele. "Et dict que despuys le temps de sa mémoire, durant lequel il a frequanté bien souvent icelles dictes meysons collégialles et lesdits déserviteurs d'icelles ou leurs prédécesseurs et les a veuz manger et boere en despendant en commung les biens et revenus des dites meysons et fondations ensemble en leurs dites meysons collégialles et jusques ad ce que despuys peu de temps iceulx ditz déserviteurs colliégés ont trouvé moyen de despartir les biens et revenus annuelz qui leur ont esté délayssés par leurs dictz fondateurs et les mectre en prouffict particullièrement les ungs les autres comme il dict avoir veu en fréquentant lesdictes meysons des alcunes peult avoir envyron six ans et les aultres despuys ledict temps et lesquelsdictz prebstres colleigés sont du nombre des prebstres de ladicte esglise parochelle Nostre Dame d'Aurilhac, hormys et excepté lesdits Mes François Viallar et de Monteaulsso et prenent en icelle esglise leurs distributions tant quottidianes que autres comme sont chascun des aulfres prebstres se dysans dudict nombre. "Dict que des dictes meysons collégiales dessus nommées et de chascune d'elles lesdits consulz de ladicte ville d'Orilhac sont les patrons et collateurs ordineres, ausquelz, pour rayson de ce, apartient, quant alcung des dits prebstres collieigés décède, y mectre et ordoner ung aultre prebstre en son lieu, comme il, qui deppouse, a veu fere souvent despuys ledit temps de sa mémoire par lesditz consulz de ladicte ville. Dict davantaige que l'esglise parrochelle Nostre Dame de ladite ville d'Aurillac a esté construite et hédiffiée au milieu de ladite ville et par le moyen des consulz, qui pour lors estoient d'icelle, comme le deppousant a ouy dire et tenyr pour notoire en ladite ville ; et enquores les consulz d'icelle dicte ville y font fere les réparations nécessaires pour l'entreténement dudict édiffice, comme il dict avoir veu bien souvent despuys trente ans derniers passés... Sans que lesdicts prebstres disans estre de la communeté d'icelle esglise ne aultres y ayent donné ne frayé aulcune chouse. "Ausquelz prebstres baptisés aux fons baptismalles de ladite esglize et à celle fin que fussent norriz et entretenuz sellon leur estat et pour servir à Dieu leur ont esté donnés et aulmosnes plusieurs fondations par alcungs des habitans de ladite ville comme par feu Gérauld du Laurens, en son vivant esleu ou hault pays d'Auvergne pour le Roy, que leur dona la somme de douze mille livres pour dire et célébrer chascun jour de l'an toutes les heures canonicques en ladite esglize, et, auparadvant ladicte fondation, leur avoyt doné et légué pour l'obit de ses père et mère la somme de mille livres tournoys. Despuys ont esté faictes d'autres fondations en ladite esglize par plusieurs habitans de ladite ville, pour augmentation du service divin qui se faict en icelle journelement, pour l'entreténement des prebstres d'icelle ville que se montent par chascun an environ cinq ou six cens livres tournois qu'ilz ont laissé ausditz prebstres de ladicte communeté pour servir à Dieu et célébrer chascun jour de l'an en ladicte esglize une messe basse au grand autyel de ladicte esglize et aussi y ont esté faictes plusieurs autres fondations par aultres gens de mestier et artisans de ladite ville despuys ledit temps. "A cause de quoy les dits prebstres en ladite esglize célèbrent ou sont tenus célébrer chacun jour cinquante messes ou plus, ainsi qu'il qui deppouse dict avoir veu comme habitant de ladite ville et dict que durant le temps de sadicte mémoire dont dessus a deppousé, il y a veu le nombre de cent prebstres et plus, et de présent en y a cent et six ou sept comme il y a ouy dire à plusieurs des prebstres de ladite communaulté, lesquels aysèement peuvent vivre habondamment du bien et revenu de ladite esglize, car ung chascun prend pour son entretenement et vivre du revenu de ladite esglize une chascune année de trente à trente-cinq sestiers. Bled seigle, et, en deniers, huict ou neuf livres, en grosse et en distributions particullières tant à cause desdites fondations que autrement ; et pour raison desdites obsèques et aultres services à dévotion que sont de ordinaire pour chascun, une pincte de vin, valant troys chaupines, mesure de ladicte ville et, troys foys la sepmaine, ung pain de couvent et certain argent qui leur est distribué par les bailles de ladite esglize. "Dict qu'il a envyron vingt cinq ans que feu Marguerite de Bonhore, sa femme ala de vye à trespas en ladite ville d'Aurilhac, et pour enterrer le corps et luy faire les honneurs funèbres, il, qui deppouse, fist emprompter les ditz prebstres qui, pour lors, estoient de ladicte esglize comme ung nommé Me Guillaume Las Martres, Loys vicquère. Et Me Guillaume Fabre, baille de ladicte communeté pour avoir une croix d'argent appellée vulgairement la croix de Las Noalz et certaines chappes noeres que ont en ladite esglize pour fere les honneurs des corps des trespassez, tellement que lesdits Las Martres, Vicquère et Fabre, baile, vindrent parler à luy et luy dirent que s'il voloyt que on apportast ladite croix des Nalz, il paieroyt quinze solz, et, pour avoir lesdites chappes, il paieroyt sept livres dix solz car aultrement ne les auroyt poinct ; lequel, qui deppouse, volant décorer la sépulture de sadite feue femme prya lesdits vicquère et baile de luy faire apporter lesdites croix de Las Noalz et chappes noeres, et luy fere honneur, et payer lesdites sommes, au moyen de quoy lesdits prebstres se trouvarent aux honneurs de sadite femme, vestus desdites chappes les alcungs portans ladite croix de las Noalz de ladite esglize. "Dict aussi que ledit Me Jehan Cortès, licencié, prebstre déserviteur de ladite meyson d'Avetz est homme mal vivant tenant vye lubricque lequel a entrettenu par longtemps à ladite meyson collégiale d'Avetz comme faict enquores de présent en conquubine une ribaulde femme de meschante vie nommée Jehanne Dayral du lieu de Polminhac en sa chambre dans ladite meyson d'Avetz, à poct et feu, comme s'ilz feussent maryés, et il qui dépouse les a trouvés couchés en ung lict dans ladicte chambre, et de laquelle Dayral ledit Cortès a engendré et procréé une fille, laquelle présent peult estre de le aige de envyron cinq ans, et de ce est le bruict commung en ladicte ville d'Aurilhac et entreles habitants d'icelle... "Dict aussi que Me Ramond Saletz, prebstre deserviteur parelhement de ladite meyson d'Avetz est diffamé publiquement et notoyrement en ladite ville d'Aurilhac de entrettenyr et avoyr entrettenus femmes de vye lubricque et dissolue et d'icelles avoyr eu plusieurs enfans, et si est ledict Saletz merchant traphicquant et s'entremect ordinerement de fere traphicques et actes de merchant en achaptant et vendant bestialz à laine et vendre ès foeres, marchés publiques avec aultres merchans, et faict plusieurs arrentemens comme de pesches pour en avoyr les poyssons et les revandre alleurs comme il faict ou faict fere par autres ses interpositaires ayans intelligences avec luy, et il en prend le prouffict ou partie d'iceluy, comme est cause notoyre en ladite ville d'Aurilhac. "Dict que Me Françoys Dugour et Hugues du Serieys prebstres et aultres déserviteurs de ladite meyson d'Avetz sont diffamés en ladite ville d'Aurilhac et entre les habitans d'icelle de avoyr entrettenues et entrettenyr femmes de dissolue vye et lubricque, telement que ledict Dugour en a procréés deux ou troys enfans et a de filhes mariées en ladite ville que sont répputés ses filhes naturelles, et a bien qu'il soyt prebstre déserviteur de ladicte meyson d'Avetz où il a sa vye honeste, et parelhement le prouffict et revenu de ladicte esglize Nostre Dame qu'est double prébande ; ce néantmoings converse-il journelement à autres fruitz mécanicques, car il practique, faysant l'estat de procureur et advocat aux courtz que se tiennent en icelle ville tous les jours, comme es courtz du bailliaige du garde des seulx, et des esleuz pour le Roy du sr abbé d'Aurilhac, du sr évesque de Saint-Flour en son sieije d'Arpajon, auquel il a esté procureur d'ouffice pour ledit sr évesque loing espace de temps que aussi en plusieurs aultres courtz subalternes qui s'expédyent et ont acoustumé estre expédiées en ladite ville, et ledit du Serieys a entrettenu long space de temps pour sa chambre et dans ladite meyson collegialle d'Avetz une femme nommée La Boffynaira, laquelle il qui deppouse a veu souventes foys entrer de nuict à ladicte meyson d'Avetz. "Dict pareilhement que lesdits Mes Vincens Sales, Pierre Cabanes, Gui Espinassol et aussi Maistres Jehan Cosques, Françoys Bardes, Estienne Baldel, Bernard Des Bancz, Gérauld Labeu, Pierre Bladanet, Hugues Serieys, et Jehan Labral aussi prebstres de ladite esglise et communaulté vont la nuict parmy ladite ville d'Aurilhac alcunes foys deux ensemble ou troys ou quatre, armes de leurs espées et les alcungs d'iceulx d'alebardes et gevellinees, et il qui deppouse les y a trouvés plusieurs foys et aussi y a d'autres prebstres de ladite esglize et communeté qui aussi entrettiennent des femmes de dissolue vye a leurs meysons particullières comme est ung M° Jehan Faulat, lequel a entrettenue et entretient à poct et feu résidemment en concubine une femme de més-chante vye nommée Margarite de Tordes, femme tenant vye lubricque et aussi ung maistre Amalry Du Laurens, une autre femme dissolue nommée Lanniesora, et de ce que desssus est vray et comme renommée en ladite ville d'Aurilhac et entre les habitans d'icelle. "

Aurillac
- Archives anciennes (antérieures à 1790)
  - Série FF : Procédures - Justice - Police
    - Différends entre les consuls et les prêtres d'Aurillac
      Information faite à la requête des consuls et habitants d'Aurillac et du procureur général du roi, contre le curé et les prêtres de l'église Notre-Dame.
      "Information secrète faite par moy, Jehan Vidal, sergent royal au bailliaige des Montagnes d'Auvergne, commissaire depputé par la souverayne court de Parlement pour le roy nostre sire en son palays à Parys à la réquisition et de la partie de messieurs les consuls, manans et habitans de la ville d'Aurillac, au nom de la communauté et républicque de ladite ville, patrons et fondateurs de l'esglise parrochelle Nostre-Dame d'icelle ville et autrement, en qualité qu'ils procèdent et de monsieur le procureur général du roy joinct avec eulx appelé et de moy pour scripvayn et adjoinct maistre Pierre Cassanhes, notaire royal du Carlladez, et ce sur le contenu des articles à moy baillyés de la partie desdits consulz, manans et habitans et didit procureur du roy et de ladite court, joinct à l'encontre des curé et prebstres se dysans de l'esglise parochielle Nostre-Dame d'Aurillac et ma dite commission et présente information attachés, en laquelle information ont esté ouys et examynés secrètement et à part les tesmoings ci amprès nommés et a esté procédé comme s'ensuyt. "
      Témoins : Guillaume Dudevès, pelletier d'Aurillac, 45 ans ; Jacques Dutrieuf, pelletier, 50 ans ; Raymond Melhau, boucher, 50 ans ; Jean Cabrespine, hôtelier, 60 ans ; Guillaume Jolha, archer du prévôt des maréchaux du haut et bas pays d'Auvergne, 35 ans ; Pierre Laroque, sr de Bornatel de Leucamp, 65 ans ; Jean Lafon, prêtre de Giou, 65 ans ; Astorg Lagaldie, prêtre de St-Simon, 75 ans ; Jourdain de Pozols, sr de Fabrègues, 45 ans ; Guérin de Conquoux, sr de Monteilli, 45 ans ; Pierre Dumoulin, notaire royal d'Aurillac, 31 ans ; Etienne de Cros, bourgeois, 45 ans ; Cristophe Dumoulin sr de Veyrac, 8 ans ; Jacques de Juou, 45 ans ; François Labaillie, prêtre, 50 ans ; Pierre Pradal, notaire royal, 63 ans ; Jean Condamine, orfèvre, 52 ans ; Jean de Cinqalbres, 80 ans ; Hugues de St-Mamet, licencié ès-lois, 35 ans ; Jean Vaurs, licencié ès-lois, 22 ans ; Bonnet Lapeyre, marchand, 25 ans (10-16 février 1548).
      Déposition de Guillaume Dudevès.
      "Guillaume Dudevès, merchant pellatier, habitant de la ville d'Aurihac, eaigé comme a dict de quarante cinq ans ou envyron, tesmoing à nous présenté de la partie des ditz consulz manans et habitans de ladite ville d'Aurilhac, interrougé par nous sur lesdits articles dict et deppouse par son serrement qu'il a presté sur les saincts évangiles entre nos mains que en l'esglise parochelle Nostre-Dame d'Aurilhac ont esté de longtemps fondées plusieurs messes et autres suffraiges tant pour les âmes des trespassés que pour le salut des vivans et lesquelles fondations et services ont esté acoustumées estre déservies et administrées par les prebstres d'icele esglize parochele qui y ont esté cy-devant de trente-cinq ans ou plus. Dict que oultre lesdits prebstres de ladite esglize y ont esté institués d'autres prebstres en plusieurs maysons collégialles de ladite ville qui ont esté ordonnés par les fondateurs d'icelles : scavoir la meyson appellée des Blatz autrement d'Avetz, en laquelle le fondateur d'icelle a ordonnés quatre prebstres avec certains clercz pour fere le service divin ordonné par lesdits fondateurs d'icelles, semblablement autre meyson appellée de la Peyra sive de Greppiac, autrement appellée de Labroa et autre meyson appellée de Taveigha, en chacune desquelles les fondateurs d'icelles ont ordonnés quatre prebstres pour prier Dieu pour les âmes desdits fondateurs et de leurs parans et amys trespassés ; et en oultre y a autre meyson appellée de Danti en laquelle le fondateur d'icelle a ordonnes troys prebstres à semblable charge que dessus lesquels prebstres des sus nommés collieiges èsdites meysons respectivement sont chargés de fere résidance ès dites meysons collégialles respectivement et mectre en despance et revenu, faysans ung poct ung feu et une table ensemble dans lesdictes meysons comme de tout ce dessus est cause notoire en ladite ville d'Aurilhac en entre les habitans d'icele.
      "Et dict que despuys le temps de sa mémoire, durant lequel il a frequanté bien souvent icelles dictes meysons collégialles et lesdits déserviteurs d'icelles ou leurs prédécesseurs et les a veuz manger et boere en despendant en commung les biens et revenus des dites meysons et fondations ensemble en leurs dites meysons collégialles et jusques ad ce que despuys peu de temps iceulx ditz déserviteurs colliégés ont trouvé moyen de despartir les biens et revenus annuelz qui leur ont esté délayssés par leurs dictz fondateurs et les mectre en prouffict particullièrement les ungs les autres comme il dict avoir veu en fréquentant lesdictes meysons des alcunes peult avoir envyron six ans et les aultres despuys ledict temps et lesquelsdictz prebstres colleigés sont du nombre des prebstres de ladicte esglise parochelle Nostre Dame d'Aurilhac, hormys et excepté lesdits Mes François Viallar et de Monteaulsso et prenent en icelle esglise leurs distributions tant quottidianes que autres comme sont chascun des aulfres prebstres se dysans dudict nombre.
      "Dict que des dictes meysons collégiales dessus nommées et de chascune d'elles lesdits consulz de ladicte ville d'Orilhac sont les patrons et collateurs ordineres, ausquelz, pour rayson de ce, apartient, quant alcung des dits prebstres collieigés décède, y mectre et ordoner ung aultre prebstre en son lieu, comme il, qui deppouse, a veu fere souvent despuys ledit temps de sa mémoire par lesditz consulz de ladicte ville. Dict davantaige que l'esglise parrochelle Nostre Dame de ladite ville d'Aurillac a esté construite et hédiffiée au milieu de ladite ville et par le moyen des consulz, qui pour lors estoient d'icelle, comme le deppousant a ouy dire et tenyr pour notoire en ladite ville ; et enquores les consulz d'icelle dicte ville y font fere les réparations nécessaires pour l'entreténement dudict édiffice, comme il dict avoir veu bien souvent despuys trente ans derniers passés... Sans que lesdicts prebstres disans estre de la communeté d'icelle esglise ne aultres y ayent donné ne frayé aulcune chouse.
      "Ausquelz prebstres baptisés aux fons baptismalles de ladite esglize et à celle fin que fussent norriz et entretenuz sellon leur estat et pour servir à Dieu leur ont esté donnés et aulmosnes plusieurs fondations par alcungs des habitans de ladite ville comme par feu Gérauld du Laurens, en son vivant esleu ou hault pays d'Auvergne pour le Roy, que leur dona la somme de douze mille livres pour dire et célébrer chascun jour de l'an toutes les heures canonicques en ladite esglize, et, auparadvant ladicte fondation, leur avoyt doné et légué pour l'obit de ses père et mère la somme de mille livres tournoys. Despuys ont esté faictes d'autres fondations en ladite esglize par plusieurs habitans de ladite ville, pour augmentation du service divin qui se faict en icelle journelement, pour l'entreténement des prebstres d'icelle ville que se montent par chascun an environ cinq ou six cens livres tournois qu'ilz ont laissé ausditz prebstres de ladicte communeté pour servir à Dieu et célébrer chascun jour de l'an en ladicte esglize une messe basse au grand autyel de ladicte esglize et aussi y ont esté faictes plusieurs autres fondations par aultres gens de mestier et artisans de ladite ville despuys ledit temps.
      "A cause de quoy les dits prebstres en ladite esglize célèbrent ou sont tenus célébrer chacun jour cinquante messes ou plus, ainsi qu'il qui deppouse dict avoir veu comme habitant de ladite ville et dict que durant le temps de sadicte mémoire dont dessus a deppousé, il y a veu le nombre de cent prebstres et plus, et de présent en y a cent et six ou sept comme il y a ouy dire à plusieurs des prebstres de ladite communaulté, lesquels aysèement peuvent vivre habondamment du bien et revenu de ladite esglize, car ung chascun prend pour son entretenement et vivre du revenu de ladite esglize une chascune année de trente à trente-cinq sestiers. Bled seigle, et, en deniers, huict ou neuf livres, en grosse et en distributions particullières tant à cause desdites fondations que autrement ; et pour raison desdites obsèques et aultres services à dévotion que sont de ordinaire pour chascun, une pincte de vin, valant troys chaupines, mesure de ladicte ville et, troys foys la sepmaine, ung pain de couvent et certain argent qui leur est distribué par les bailles de ladite esglize.
      "Dict qu'il a envyron vingt cinq ans que feu Marguerite de Bonhore, sa femme ala de vye à trespas en ladite ville d'Aurilhac, et pour enterrer le corps et luy faire les honneurs funèbres, il, qui deppouse, fist emprompter les ditz prebstres qui, pour lors, estoient de ladicte esglize comme ung nommé Me Guillaume Las Martres, Loys vicquère. Et Me Guillaume Fabre, baille de ladicte communeté pour avoir une croix d'argent appellée vulgairement la croix de Las Noalz et certaines chappes noeres que ont en ladite esglize pour fere les honneurs des corps des trespassez, tellement que lesdits Las Martres, Vicquère et Fabre, baile, vindrent parler à luy et luy dirent que s'il voloyt que on apportast ladite croix des Nalz, il paieroyt quinze solz, et, pour avoir lesdites chappes, il paieroyt sept livres dix solz car aultrement ne les auroyt poinct ; lequel, qui deppouse, volant décorer la sépulture de sadite feue femme prya lesdits vicquère et baile de luy faire apporter lesdites croix de Las Noalz et chappes noeres, et luy fere honneur, et payer lesdites sommes, au moyen de quoy lesdits prebstres se trouvarent aux honneurs de sadite femme, vestus desdites chappes les alcungs portans ladite croix de las Noalz de ladite esglize.
      "Dict aussi que ledit Me Jehan Cortès, licencié, prebstre déserviteur de ladite meyson d'Avetz est homme mal vivant tenant vye lubricque lequel a entrettenu par longtemps à ladite meyson collégiale d'Avetz comme faict enquores de présent en conquubine une ribaulde femme de meschante vie nommée Jehanne Dayral du lieu de Polminhac en sa chambre dans ladite meyson d'Avetz, à poct et feu, comme s'ilz feussent maryés, et il qui dépouse les a trouvés couchés en ung lict dans ladicte chambre, et de laquelle Dayral ledit Cortès a engendré et procréé une fille, laquelle présent peult estre de le aige de envyron cinq ans, et de ce est le bruict commung en ladicte ville d'Aurilhac et entreles habitants d'icelle...
      "Dict aussi que Me Ramond Saletz, prebstre deserviteur parelhement de ladite meyson d'Avetz est diffamé publiquement et notoyrement en ladite ville d'Aurilhac de entrettenyr et avoyr entrettenus femmes de vye lubricque et dissolue et d'icelles avoyr eu plusieurs enfans, et si est ledict Saletz merchant traphicquant et s'entremect ordinerement de fere traphicques et actes de merchant en achaptant et vendant bestialz à laine et vendre ès foeres, marchés publiques avec aultres merchans, et faict plusieurs arrentemens comme de pesches pour en avoyr les poyssons et les revandre alleurs comme il faict ou faict fere par autres ses interpositaires ayans intelligences avec luy, et il en prend le prouffict ou partie d'iceluy, comme est cause notoyre en ladite ville d'Aurilhac.
      "Dict que Me Françoys Dugour et Hugues du Serieys prebstres et aultres déserviteurs de ladite meyson d'Avetz sont diffamés en ladite ville d'Aurilhac et entre les habitans d'icelle de avoyr entrettenues et entrettenyr femmes de dissolue vye et lubricque, telement que ledict Dugour en a procréés deux ou troys enfans et a de filhes mariées en ladite ville que sont répputés ses filhes naturelles, et a bien qu'il soyt prebstre déserviteur de ladicte meyson d'Avetz où il a sa vye honeste, et parelhement le prouffict et revenu de ladicte esglize Nostre Dame qu'est double prébande ; ce néantmoings converse-il journelement à autres fruitz mécanicques, car il practique, faysant l'estat de procureur et advocat aux courtz que se tiennent en icelle ville tous les jours, comme es courtz du bailliaige du garde des seulx, et des esleuz pour le Roy du sr abbé d'Aurilhac, du sr évesque de Saint-Flour en son sieije d'Arpajon, auquel il a esté procureur d'ouffice pour ledit sr évesque loing espace de temps que aussi en plusieurs aultres courtz subalternes qui s'expédyent et ont acoustumé estre expédiées en ladite ville, et ledit du Serieys a entrettenu long space de temps pour sa chambre et dans ladite meyson collegialle d'Avetz une femme nommée La Boffynaira, laquelle il qui deppouse a veu souventes foys entrer de nuict à ladicte meyson d'Avetz.
      "Dict pareilhement que lesdits Mes Vincens Sales, Pierre Cabanes, Gui Espinassol et aussi Maistres Jehan Cosques, Françoys Bardes, Estienne Baldel, Bernard Des Bancz, Gérauld Labeu, Pierre Bladanet, Hugues Serieys, et Jehan Labral aussi prebstres de ladite esglise et communaulté vont la nuict parmy ladite ville d'Aurilhac alcunes foys deux ensemble ou troys ou quatre, armes de leurs espées et les alcungs d'iceulx d'alebardes et gevellinees, et il qui deppouse les y a trouvés plusieurs foys et aussi y a d'autres prebstres de ladite esglize et communeté qui aussi entrettiennent des femmes de dissolue vye a leurs meysons particullières comme est ung M° Jehan Faulat, lequel a entrettenue et entretient à poct et feu résidemment en concubine une femme de més-chante vye nommée Margarite de Tordes, femme tenant vye lubricque et aussi ung maistre Amalry Du Laurens, une autre femme dissolue nommée Lanniesora, et de ce que desssus est vray et comme renommée en ladite ville d'Aurilhac et entre les habitans d'icelle. "

Cote

Date

Description physique

Liasse. - 1 cahier in-8° de 131 feuillets.

Autres données descriptives

Commentaire: Ancienne cote : FF 41

Mots-clés lieu

Aurillac (Cantal, France)